ShQO polıtsııa departamenti bastyǵynyń birinshi orynbasary taǵaıyndaldy
ÓSKEMEN. KAZINFORM – Shyǵys Qazaqstan oblysy polıtsııa departamenti bastyǵynyń birinshi orynbasary bolyp Bolat Nurseıitov taǵaıyndaldy.
Bolat Nurseıitov 1976 jylǵy 3 shildede Qostanaı oblysynda dúnıege kelgen. Quqyq qorǵaý organdarynda 1996 jyldan beri qyzmet etip keledi. Eńbek jolyn Qostanaı oblysy boıynsha MTKB kezekshi bóliminiń kezekshi kómekshisi laýazymynan bastaǵan. Keıin ártúrli jedel jáne basshylyq qyzmetterdi atqardy.
2004 jyly Pavlodar oblysy ІІB Uıymdasqan qylmysqa qarsy kúres basqarmasynda asa mańyzdy ister jónindegi aǵa jedel ýákil qyzmetin atqardy. Al bir jyldan keıin asa qaýipti qylmystarǵa qarsy kúres bólimin basqardy.
2009 jyldan bastap Pavlodar qalasy ІІB Krımınaldyq polıtsııa bóliminiń bastyǵy boldy. 2012 jyldan qalalyq basqarma bastyǵynyń orynbasary qyzmetin atqardy.
2015-2017 jyldary QR ІІM ortalyq apparatynda Krımınaldyq polıtsııa departamentiniń jeke adamǵa qarsy asa aýyr qylmystardy ashýdy uıymdastyrý basqarmasynda qyzmet atqardy.
2018-2022 jyldary Jambyl oblysy Taraz qalasy polıtsııa basqarmasynyń 1-polıtsııa bólimin basqardy.
2022 jyldyń aqpan aıynan Pavlodar oblysy polıtsııa departamenti bastyǵynyń orynbasary boldy. 2025 jyldan bastap osyǵan deıin Pavlodar oblysy PD bastyǵynyń birinshi orynbasary bolyp jumys istedi.
Eske salaıyq, osyǵan deıin Jetisý oblysy polıtsııa departamenti bastyǵynyń birinshi orynbasary taǵaıyndalǵanyn habarlanǵanbyz.
