ShQO polıtseıleri bıyl qaryzy bar 50-den astam boryshkerdi tapty

Qalalyq polıtsııa basqarmasynyń kóshi-qon qyzmeti bólimshelerine qaryzdy tóleýden jaltaryp júrgen azamattardy izdeýge jarııalaý týraly jeke sot oryndaýshylarynan qaýlylar kelip tústi. 

Máselen, júrgizilgen izdestirý is-sharalarynyń nátıjesinde mamandar 61 jastaǵy áıel adamnyń ornalasqan jerin anyqtady. Ol 2025 jyldyń naýryz aıynan beri qala turǵyny aldyndaǵy 4 mıllıon teńgeden astam qaryzyn ótemegen.

- Sondaı-aq polıtsııa qyzmetkerleri alıment tólemegen 34 jastaǵy er adamdy tapty. Ol eki kámeletke tolmaǵan balasyn asyraý boıynsha mindettemelerin uzaq ýaqyt oryndamaı kelgen. Osylaısha, qaryz kólemi 4 200 000 teńgege jetken. Azamat 2026 jyldyń aqpan aıynan beri izdeýde bolǵan. Endi eki boryshkerden de qaryzdy óndirýmen sot oryndaýshylary aınalysatyn bolady, - dep habarlady ShQO polıtsııa departamentinen. 

Jyl basynan beri tártip saqshylary 50-den astam boryshkerdi anyqtaǵan. 

Eske salsaq, osyǵan deıin Mańǵystaýda boryshkerlerden 129 mln teńgeden astam qarajat óndirilgeni habarlanǵan. https://kaz.inform.kz/news/mangistauda-borishkerlerden-129mln-tengeden-astam-karazhat-ondrld-1bb1cd52