ShQO polıtsııasy Óskemen qalasy órt sóndirý qyzmetiniń 25 jastaǵy serjantyn óltirgen qylmyskerdi tapty
ASTANA. 13 shilde. QazAqparat - Ótken aptada Shyǵys Qazaqstan oblysynyń ІІD Krımınaldyq polıtsııa basqarmasynyń qyzmetkerleri máıiti ústimizdegi jylǵy mamyr aıynda Ulan aýdanynyń Bozanbaı aýylynda tabylǵan Óskemen qalasy órtke qarsy qyzmetiniń 25 jastaǵy serjantyn óltirgen qylmyskerdi tapty,
dep habarlaıdy QR ІІM kóliktegi ishki ister departamentiniń baspasóz qyzmeti.
Buzaqylyq nıette adam óltirgeni úshin 26 jastaǵy jergilikti turǵyn ustaldy. Sol kúni kúdiktiler men jábirlenýshi Ulan aýdanyndaǵy Sıbınka ózeniniń jaǵasynda araq ishkenderi jáne janjaldasyp, tóbeleskenderi anyqtaldy. Tóbeles kezinde alǵan jaraqattan jábirlenýshi sol jerde qaıtys bolǵan. Kúdikti qamaldy. Tergeý amaldary júrgizilýde. Qylmysqa qatysty basqa da tulǵalardy ustaý úshin sharalar qoldanylýda.
Ońtústik Qazaqstan oblysy ІІD-niń polıtseıleri arnaıy is-sharalar jáne jedel izdestirý sharalaryn ótkizý barysynda adam urlap, iri kólemde aqsha bopsalaǵany úshin izdeý jarıalanǵan 23 - 33 jastardaǵy Shymkent qalasynyń úsh turǵynyn qolǵa túsirdi. Ústimizdegi jyldyń mamyr aıynda 25 jastaǵy jábirlenýshiniń anasy úsh beıtanys adam onyń balasyn urlap, 7,5 mıllıon teńge talap etip jatqany jóninde polıtsııaǵa aryzdanǵan. Kúdiktiler jábirlenýshi otbasynyń qarjylyq jaǵdaıyn bilip, jábirlenýshi dostarymen birge saıajaıda bolǵan kezde, túngi ýaqytta basa kóktep kirip, gaz ballonyn paıdalanyp, paıdaqorlyq maqsatta jábirlenýshini óz erkinen tys alyp ketken. Jedel izdestirý is-sharalaryn ótkizý barysynda jábirlenýshi qala úıleriniń birinde aıaq-qoly baılanǵan kúıinde tabylǵan. Qazirgi ýaqytta kúdiktilerdiń barlyǵy ustalyp, ýaqytsha ustaý orynyna qamaldy, olardyń osyǵan uqsas, ashylmaǵan qylmystarǵa qatysy bar-joqtyǵy anyqtalyp jatyr.
