ShQO polıtsııasy 27 mln teńgeni nelikten tikushaq qyzmetine jumsaıtynyn túsindirdi
ShQO polıtsııa departamenti memlekettik satyp alý portalynda ekıpajy bar áýe kólikterin jalǵa berý qyzmetterin satyp alý týraly habarlandyrý ornalastyrylǵan.
Bul maqsattaǵy bólingen qarajat mólsheri qosymsha qun salyǵyn eseptemegende 27 486 607 teńgeni qurap otyr.
Osy rette, departamenttiń baspasóz hatshysy Tatıana Karpova QazAqparat tilshisine tártip saqshylaryna tikushaqtyń ne úshin kerek bolǵanyn túsindirip berdi.
«Mal urlyǵynyń, ormandardaǵy aǵashtardy zańsyz kesý faktileriniń aldyn alýǵa jáne kóliktiń jetýi qıyn jerlerde brakonerlikpen kúresý maqsatynda tikushaq qajet. Bul jumys tıimdiligin arttyra túsedi», - dedi ol.
Aıta ketý kerek, departament tikushaqty satyp almaıdy, tek jaldaıdy.
Memlekettik satyp alý konkýrsyn jeńgen kompanııa polıtseılerge patrýldeý jáne profılaktıkalyq is-sharalardy júrgizý maqsatynda tikushaqpen ushýdy uıymdastyryp otyrýy tıis.