ShQO polıtseılerine bomba týraly 4 jalǵan habar túsken
ÓSKEMEN. QazAqparat – Shyǵys Qazaqstan oblysynyń polıtseılerine jyl basynan beri bomba týraly 4 jalǵan habar túsken, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylaryna jarylǵysh zat týraly jalǵan habar bergender jazaǵa tartylýda.
Bıyl osyndaı 4 fakti tirkelgen.
«Máselen, «102» jedel arnasyna Óskemen qalasynyń 50 jastaǵy turǵyny habarlasty. Óz sózinde ol terrorlyq árekettiń bolatyndyǵy týraly aıtqan. Bul aqparatty polıtsııa qyzmetkerleri dereý tekserdi. Biraq oqıǵa ornyna kelgen kezde eshteńe tabylǵan joq. Belgili bolǵandaı, er adam ıtimen serýendep júrgende ázil úshin polıtsııaǵa telefon shalǵan», - dep habarlady vedomstvo ókilderi.
Oǵan qatysty QR Ákimshilik quqyq buzý týraly kodeksiniń 438-babyna sáıkes (Arnaýly qyzmetterdi kórineý jalǵan shaqyrý) hattama toltyryldy.
Quqyq buzýshy 30 AEK mólsherinde aıyppul tóleýge mindettelgen.
