ShQO polıtseıleri jyl basynan beri 100 keliden astam esirtki tárkilegen
ÓSKEMEN. QazAqparat – Shyǵys Qazaqstan oblysynyń tártip saqshylary jyl basynan beri 100 keliden astam esirtki tárkilegen, dep habarlady QazAqparat tilshisi.
ShQO polıtsııa departamenti esirtki qylmysyna qarsy is-qımyl basqarmasynyń qyzmetkerleri esirtki men psıhotroptyq zattardyń zańsyz aınalymyn anyqtaý maqsatynda tıisti sharalardy atqarýda.
«2020 jyldyń birinshi toqsanynda esirtkige baılanysty 176 qylmys tirkeldi. Onyń ishinde 63 fakti satýǵa, 5-i iri kólemde saqtaýǵa qatysty bolǵan. Naýryz aıynda 44 keliden astam marıhýana men 2 keli gashıshti tasymaldaǵan Semeı qalasynyń 3 turǵyny qamaýǵa alyndy», - dep habarlady oblystyq PD baspasóz qyzmeti.
Vedomstvo ókilderiniń málimetinshe, jyl basynan beri zańsyz aınalymdaǵy 104 keli esirtki men psıhotroptyq zattar tárkilengen.
