ShQO polıtseıleri jolda qalǵan Belarýs azamatyna kómektesti
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri jolda qalǵan Belarýs azamatyna kómek kórsetti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 31 naýryzda tańǵy saǵat 06:30 shamasynda «Almaty-Óskemen» tasjolynyń 783-shaqyrymynda júk kóligimen kele jatqan Belarýs eliniń 24 jastaǵy azamaty aýa raıynyń qolaısyzdyǵyna baılanysty jol jıegine túsip ketken.
Júk kóligi jyraǵa tússe, al tirkemesi jolda qalyp, trassa boıyn tolyqtaı jaýyp qaldy. Osylaısha, kólik keptelisi týyndaǵan. Júrgizýshi Aıagóz aýdandyq polıtsııa bólimine habarlasyp, kómek surady.
«Oqıǵa ornyna jedel jetken polıtsııa kapıtany Rýslan Sadykov, polıtsııa leıtenanttary Zańǵar Baıahmetbaı men Qaırat Bılıalov máseleni sheshýdiń ońtaıly sheshimin tapty. Inspektorlar júk tıegish kólikti shaqyrtyp, júk kóligin jolǵa shyǵartqyzdy. 1 saǵattan keıin sheteldik azamat qaıtadan saparyn jalǵastyrdy», - delingen habarlamada.
Kólikke eshqandaı materıaldyq zalal keltirilmegen. Belarýs azamaty polıtsııa qyzmetkerlerine óz alǵysyn jetkizdi.
