ShQO polıtseıleri úıinen qashyp ketken 18 jastaǵy boıjetkendi tapty
ASTANA. QazAqparat - Óskemende polıtsııa qyzmetkerleri 14 qyrkúıekte úıinen qashyp ketip, oralmaǵan 18 jastaǵy boıjetkendi tapty. Tártip saqshylary onyń úıinen birinshi ret qashyp otyrmaǵanyn túsindirdi, dep habarlady YK-news.kz.
Taıaýda jelide Óskemenniń 18 jastaǵy turǵyny joǵalǵany týraly habarlama paıda bolǵan. Internet paıdalanýshylar ol 14 qyrkúıekte úıinen shyǵyp ketip, qaıta oralmaǵanyn jazdy. Alańdaǵan ata-anasy polıtsııaǵa júgingen. Qyzdy izdeýge bir apta ýaqyt ketti.
«Keshe qyzmetkerler ony aman-esen tapty», - dedi ShQO ІІD baspasóz qyzmeti. - Ol úıinen birinshi ret ketip qalyp otyrǵan joq».
Onyń kezekti ret ne úshin úıinen qashqany jaıly aıtylmaıdy.
