ShQO polıtseıleri urlanǵan 25 jylqyny ıesine qaıtardy

ASTANA. QazAqparat – Shyǵys Qazaqstan oblysynyń turǵynyna urlanǵan malynyń 25-i qaıtardy, dep habarlaıdy QazAqparat Polisia.kz saıtyna silteme jasap.

«16 qyrkúıekte Tarbaǵataı aýdanynyń polıtsııa bólimine jergilikti turǵyn jaıylymnan 36 jylqy urlanǵany týraly aryzdandy. Tergeý-jedel toby qurylyp, oǵan Shyǵys Qazaqstan oblysy Polıtsııa departamentiniń qyzmetkerleri basshylyq etti.

22 qyrkúıekte Shyǵys Qazaqstan oblysy Zaısan aýdanynyń aýmaǵynda jedel-izdestirý is-sharalaryn júrgizý barysynda urlanǵan maldyń bir bóligi anyqtaldy. Qajetti tergeý áreketterin júrgizý maqsatynda atalǵan mal jem-shóp bazasynyń aýmaǵyna ýaqytsha ornalastyryldy», - delingen málimette.

Aryz túsirgen turǵynǵa 36 maldyń 25-i qaıtarylǵan.

«Sondaı-aq Tarbaǵataı aýdanynyń basqa turǵyndarynan urlanǵan mal tabyldy. Barlyǵy 47 mal tárkilendi», - dedi polıtsııadan.

Foto: polisia.kz