ShQO polıtseıleri ózine qol salmaq bolǵan er adamdy raıynan qaıtardy
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri ózine qol jumsamaq bolǵan er adamdy qutqardy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, oqıǵa 2 qańtar kúni Kókpekti aýdany Preobrajenka aýylynda bolǵan.
Er adam jaıaý júrginshiler kópirinde asylýdy oılaǵan. Kókpekti aýdandyq polıtsııa bólimine qońyraý shalǵan da ózi.
Tártip saqshylary aǵa leıtenant Qasymov pen kapıtan Orazǵalıev lezde sol jerge attanǵan.
Olar aýyl turǵynyn sózge tartyp, sýıtsıd jasamaýǵa kóndirdi. Sondaı-aq er adamǵa jáne onyń otbasyna psıhologııalyq kómek kórsetildi.
«Er adamnyń ne sebepti ózine qol jumsamaq bolǵanyn ázirge jarııa etýge bolmaıdy. Qazirgi ýaqytta sotqa deıingi tergeý amaldary júrgizilýde» dep habarlady vedomstvo ókilderi.
