ShQO polıtseıleri otbasylarymen birge patrıottyq ánder shyrqady

ÓSKEMEN. QazAqparat - Shyǵys Qazaqstan oblysynyń quqyq qorǵaý organy qyzmetkerleri Tuńǵysh Prezıdent kúnine oraı patrıottyq ánder oryndady, dep habarlaıdy QazAqparat tilshisi.

Óńirdegi ishki ister organy salasynyń qyzmetkerleri otbasylarymen sahnaǵa shyǵyp, Elbasynyń sózderine jazylǵan patrıottyq ánderdi oryndady. Shara barysynda oblystyq Polıtsııa departamentiniń basshysy, polıtsııa general-maıory Janarbek Baqtybaev jeke quramdy aıtýly kúnmen quttyqtady.

«Prezıdent «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda ІІM júıesin erekshe atap ótti.  Azamattardyń konstıtýtsııalyq quqyǵy, erkindigi men zańdy múddelerin qamtamasyz etý baǵytynda qabyldanyp jatqan sharalar quqyq qorǵaý organdarynyń negizgi mindetteri bolyp tabylady» - dedi J.Baqtybaev. 
 

Іs-shara barysynda, sondaı-aq qyzmettik mindetterin minsiz atqaryp júrgen polıtseıler marapattaldy.

Departamenttiń baspasóz qyzmetinen málim etkendeı, 86 qyzmetker minsiz qyzmeti úshin kótermelendi, sonyń ishinde 40 polıtsııa qyzmetkeri ShQO PD gramotalarymen marapattalyp, 33 polıtseıge alǵys jarııalandy.