ShQO polıtseıleri onlaın-saýda jasaýda saqtyq tanytýǵa shaqyrdy
Óskemen. QazAqparat - Semeı qalasynyń turǵyny ınternet-saıt arqyly 215 myń teńgege kıim alýǵa tapsyrys bergen, biraq tapsyrysyn sol kúıi ala almaǵan, dep habarlaıdy «QazAqparat» HAA tilshisi.
Ol aqshany termınal arqyly aýdarǵan. Tapsyrysyn ala almaı, bir aıdan keıin saıtta kórsetilgen nómirge habarlasady, biraq eshkim jaýap bermeıdi. Amaly quryǵan turǵyn eriksiz polıtsııaǵa habarlasqan.
Oblystyń ІІD baspasóz qyzmetiniń málimetterine qaraǵanda, Semeı qalasy ІІB qylmystyq is bólimi qyzmetkerleri kúdiktini anyqtap, ustady. Ol buryn sottalǵan 43 jastaǵy qala turǵyny bolyp shyqty. Kúdiktiniń osyǵan uqsas ózge de qylmystarǵa qatystylyǵy tekserilýde.
«Mundaı jaǵdaılar jıi kezdesedi. Túrli alaıaqtarǵa aldanǵan turǵyndarǵa kómektesý úshin polıtsııaǵa biraz jumys atqarýǵa týra keledi. Adamdar belgisiz vırtýaldy fırmaǵa aqsha jibermes buryn, barlyǵyn tekserýi kerek, tanystarynan, dostarynan surastyryp, anyqtap alǵandary durys», - deıdi ІІD baspasóz qyzmetiniń basshysy Baqytjan Torǵaev.
