ShQO polıtseıleri kópbalaly otbasylarǵa azyq-túlik taratty

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri kópbalaly otbasylarǵa áleýmettik kómek kórsetti, dep habarlaıdy QazAqparat tilshisi.

ShQO Polıtsııa departamenti arnaıy jumyldyrý daıyndyǵy basqarmasynyń qyzmetkerleri kópbalaly otbasylardyń úılerine baryp, azyq-túlik taratty. Sondaı-aq balalarǵa jemister men táttiler berildi.

«Tártip saqshylary kópbalaly jáne turmysy tómen otbasylarǵa turaqty túrde áleýmettik kómek kórsetip otyrady. Biz úshin búldirshinderdiń kózinen qýanysh, júzinen kúlki kórý óte mańyzdy», - dedi arnaıy jumyldyrý daıyndyǵy basqarmasy bastyǵynyń orynbasary Serik Qalıev.

Óz kezeginde kópbalaly analar polıtsııa qyzmetkerlerine kórsetken kómekteri úshin alǵystaryn bildirdi.