ShQO polıtseıleri izdeýde júrgen 6 qylmyskerdi quryqtady
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri izdeýde júrgen 6 qylmyskerdi ustady, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 7-16 maýsym aralyǵynda júrgizilgen «Mıgrant» jedel aldyn alý sharasy barysynda kóshi-qon zańnamasyn buzǵan 1009 sheteldik ákimshilik jaýapkershilikke tartylǵan.
«Máselen, Shemonaıha aýdandyq PB qyzmetkerleri qujattardy tekserý kezinde áıel adamnan Reseı Federatsııasynyń azamaty tólqujaty bola tura el aýmaǵyna kirgen kezde Qazaqstan Respýblıkasy azamatynyń qujatyn paıdalanǵandyǵy anyqtaldy. QR ÁQBtK 496 babyna sáıkes 100 AEK kóleminde aıyppul arqalaǵan ol sot sheshiminen Qazaqstan aýmaǵynan shyǵaryldy», - delingen habarlamada.
Sondaı-aq sheteldikterdiń kelgeni týraly polıtsııa organdaryna ýaqytyly habarlamaǵany úshin 339 el azamaty jaýapqa tartyldy.
Ýákiletti organnyń ruqsatynsyz shetel azamatyn jumysqa tartqan 43 kásipker jazalanǵan.
Sot sheshimimen 43 mıgrant elden tysqary shyǵaryldy.
Budan bólek, krımınaldyq polıtsııa qyzmetkerleri izdeýde júrgen 6 qylmyskerdi ustady.
