ShQO polıtseıleri iri kólemde esirtki tárkiledi
ShQO Polıtsııa departamenti baspasóz qyzmetiniń málimetine súıensek, Rıdder qalasynyń krımınaldyq polıtsııa bóliminiń qyzmetkerleri ótkizgen arnaıy operatsııa barysynda zańsyz aınalymdaǵy esirtki tárkilendi.
«37 jastaǵy er adamnyń Volkswagen Passat kóliginen polımerli pakettegi ótkir ıisi bar, jasyl tústi ósimdik tektes zat tabyldy. Budan bólek, onyń garajynan dál osyndaı zat salynǵan 5 qorap anyqtalǵan. Saraptama nátıjesi kórsetkendeı, bul keptirilgen marıhýana bolyp shyqty. Sondaı-aq tintý barysynda kúdiktiden 200 myń teńge tárkilengen», - delingen vedomstvo málimetinde.
Esirtkiniń jalpy salmaǵy 43 keliden asady. Qazirgi ýaqytta tártip saqshylary QR QK-niń 296-baby 4-bóligimen (Asa iri mólsherdegi esirtkini ótkizý maqsatynsyz zańsyz saqtaý) sotqa deıingi tergeý amaldaryn júrgizýde.