ShQO polıtseıleri esirtkiniń jańa túrin saýdalaýshylardy ustady
Baspasóz málimetterine qaraǵanda, Shyǵys Qazaqstan oblysynyń esirtki polıtseıleri shartty túrde «skorost» dep atalatyn júıkege áser etetin zattardyń jańa túrlerin ótkizýdiń 3 faktisin anyqtady.
Turǵylyqty jeri boıynsha tintý júrgizý kezinde úsh satýshydan sıntetıkalyq esirtkiniń birneshe dozasy anyqtalyp, tárkilendi.
Joǵaryda kórsetilgen faktiler boıynsha Qylmystyq Kodekstiń 297-baby (Esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, óńdeý, ıemdenip alý, saqtaý, tasymaldaý, jóneltý nemese satý) boıynsha qylmystyq is qozǵaldy.
Aıta ketý qajet, aǵymdaǵy jyldǵy 5 shildede baqylaýǵa alynǵan esirtki zattarynyń tizimin jańa psıhobelsendi zattarmen barynsha qysqa merzimde tolyqtyrýǵa múmkindik beretin zańnamaǵa túzetýler kúshine endi. Bul tizimder qazir barlyq belgili esirtkiler men sol tektes zattardy qamtıdy.
Aǵymdaǵy jylǵy birinshi jartyjyldyqta polıtsııa sıntetıkalyq esirtkini taratýdyń 56 faktisin anyqtady. Onyń ishinde 28-i esirtki ótkizý faktisi bolsa, 2,6 kg júıkege áser etetin jańa zattar, onyń ishinde 1 799 tabletka ekstazı esirtkisi tárkilendi.
