ShQO polıtseıleri bir kúnde 9 mln teńgeden astam aıyppul óndirdi
ÓSKEMEN. QazAqparat – Shyǵys Qazaqstan oblysynda «Baryshker» jedel aldyn alý sharasy ótip jatyr, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, bir kún ishinde tártip saqshylary boryshkerlerden 9 mln teńgeden astam aıyppul óndirdi.
«Polıtsııa qyzmetkerleri aıyppul tóleýden jaltarǵany úshin Reseı Federatsııasy men Armenııa Respýblıkasynda tirkelgen bes avtokólikti anyqtap, aıyppul turaǵyna jetkizdi. Ákimshilik quqyqbuzýshylyq jasaǵandardyń 255 myń teńge mólsherinde qaryzy bolǵan», - dedi ShQO PD bastyǵynyń birinshi orynbasary Janbolat Káletaev.
Polıtseıler sot oryndaýshylarymen birge 120-dan astam reıd ótkizdi.
Aıta keteıik, zań boıynsha boryshkerler ákimshilik hattama toltyrylǵan kúnnen bastap 7 táýlik ishinde aıyppul somasynyń 50%-yn qysqartylǵan is júrgizý tártibimen tóleýge quqyly.
Óńirde «Baryshker» jedel aldyn alý sharasy 21-23 jeltoqsan aralyǵynda jalǵasady.
