ShQO polıtseıleri bir kúnde 30 lıtrden astam qan tapsyrdy
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri bir kúnde 30 lıtrden astam qan tapsyrdy, dep habarlaıdy QazAqparat tilshisi.
ShQO Polıtsııa departamentinde «Donor kúni» ótti. Oǵan 70 tártip saqshysy qatysty.
Jyldan-jylǵa qan tapsyrǵysy keletinderdiń sany ósýde. Polıtseıler túrli oqıǵalardan zardap shekken adamdarmen jıi kezdesetindikten qan quıýdyń ómirdi saqtap qalý úshin óte mańyzdy ekenin biledi.
«Halyqqa kómektesý – bizdiń tikeleı mindetimiz. Búgingi aktsııa birneshe adamnyń ómirin qutqarýǵa septigin tıgizedi dep úmittenemiz», - dedi polıtsııa qyzmetkeri Aıdyn Bakınbaev.
Dárigerler donor retinde polıtseılerdiń óte qundy ekenin atap ótti. Óıtkeni olar densaýlyǵyna muqııat qaraıdy, medıtsınalyq tekserýlerden únemi ótip turady.
Jalpy, osy kúni quqyq qorǵaý organynyń qyzmetkerleri 30 lıtr qan tapsyrdy.
