ShQO polıtseıleri bir kún ishinde 7 mln teńgeniń aıyppulyn óndirdi
ShQO Polıtsııa departamenti baspasóz qyzmetiniń málimetine súıensek, bir kún ishinde tártip saqshylary 40-tan astam avtokólikti mamandandyrylǵan turaqqa qoıdy.
Shara barysynda polıtseıler shetelde tirkelgen kólikti toqtatqan. Rýlde 22 jastaǵy júrgizýshi otyrdy. Tekserý kezinde atalǵan avtokóliktiń ótelmegen 1 mln 300 myń teńge kólemindegi ákimshilik aıyppuly bar ekeni anyqtaldy. Er adam kólikti birneshe kún buryn Semeıde naryqtyq baǵadan tómen somaǵa satyp alǵanyn, onyń ótelmegen qaryzy baryn bilmegenin aıtty.
«Reıdtiń tek birinshi kúninde jalpy somasy 7 mln 649 myń teńgeni quraıtyn 677 ákimshilik aıyppul óndirildi. Osy rette, óńir jurtshylyǵyna zańnamada boryshkerlerdiń ákimshilik hattama toltyrylǵan sátten bastap 7 táýlik ishinde aıyppul somasynyń 50%-yn qysqartylǵan óndiristik tártipte tóleý quqyǵy kózdelgeni týraly eskertemiz», - dedi ShQO Ákimshilik polıtsııa basqarmasynyń bastyǵy Ernar Bazarov.
Ákimshilik aıyppuldardy májbúrlep óndirýdi boldyrmas úshin departament ókilderi aıyppuldardy ýaqtyly tóleýge, sondaı-aq avtokólik satyp alǵan kezde barlyq bazalar boıynsha jiti tekserý júrgizýge keńes beredi.