ShQO polıtseıleri bir aıda 37 myńnan astam quqyq buzýshylyqty anyqtady
ÓSKEMEN. QazAqparat - Shyǵys Qazaqstan oblysynyń polıtsııa qyzmetkerleri bir aıda 37 myńnan astam quqyq buzýshylyqty anyqtady, dep habarlaıdy QazAqparat tilshisi.
ShQO PD baspasóz qyzmetiniń málimetine súıensek, óńir aýmaǵynda júrgizilgen «Qaýipsiz jol» jedel aldyn alý sharasy barysynda polıtsııa qyzmetkerleri jol júrisi erejelerin buzýshylyqtardyń, onyń ishinde kólik quralyn mas kúıde basqarý, basyp ozý qaǵıdalaryn, jyldamdyq rejımin asyrý, manevr jasaý, jol qıylystary men jaıaý júrginshiler jolaǵynan ótý qaǵıdalaryn buzýshylyqtardy anyqtady.
- Sonyń nátıjesinde, polıtseıler 1 aıda 37 000 myńnan astam ákimshilik quqyq buzýshylyqty tirkedi. Onyń ishinde 9 000 myńǵa jýyq jaıaý júrginshilerdiń jol júrisi qaǵıdalaryn buzýy, 212 mas kúıde kólik basqarý faktisi, 141 qozǵalystyń qarama-qarsy jolaǵyna shyǵyp ketý faktisi anyqtalǵan, - delingen habarlamada.
Sondaı-aq 900-den astam kólik quralyn paıdalanýǵa tyıym salynsa, 400 kóliktiń memlekettik tirkeý nómiri alyndy.
