ShQO polıtseıleri bankke 2 mln teńge qaryzy bar áıeldi Almatydan tapty
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri bankke 2 mln teńge qaryzy bar áıeldi Almaty qalasynan anyqtady, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylary qaryzyn tólemegeni úshin izdestirilip jatqan adamdardyń qaıda ekenin anyqtaý úshin tıisti sharalardy qolǵa alýda. Jyl basynan beri kóshi-qon qyzmetiniń ókilderi 67 boryshkerdi tapqan
«Polıtsııa qyzmetkerleri bankke 2 000 000 teńge kóleminde qaryzy bolǵany úshin izdeý jarııalanǵan 41 jastaǵy áıeldi anyqtady. Atalǵan azamatshanyń Almaty qalasynda turyp jatqany belgili boldy. Jınaqtalǵan materıal aqshalaı qarajatty óndirip alý úshin jeke sot oryndaýshylarynyń óńirlik palatasyna jiberildi», - dep habarlady vedomstvo ókilderi.
Esterińizge sala ketsek, osyǵan deıin ShQO-da segiz kún ishinde mas kúıde kólik tizgindegen 63 júrgizýshi anyqtalǵanyn habarlaǵan bolatynbyz.
