ShQO polıtseıleri Aqtóbede qaza tapqandardy eske aldy
ÓSKEMEN. QazAqparat - ShQO ishki ister organdarynyń qyzmetkerleri men ardagerleri Aqtóbede qaza tapqan áriptesteri, áskerıler men beıbit turǵyndardy bir mınýttyq únsizdikpen eske aldy.
Oblystyq ІІD basshysynyń mindetin atqarýshy polıtsııa polkovnıgi Qadyrbek Nurǵalıev bastaǵan departamenttiń jeke quramy lańkestik terakt saldarynan qaza tapqandardyń jaqyndaryna kóńil aıtyp, qylmyskerlerdiń qolynan zardap shekkenderge tez saýyǵyp ketýin tiledi.
Q. Nurǵalıev «kúrdeli jaǵdaıda Aqtóbe oblysynyń quqyq qorǵaý organdary qaısarlyǵy men antqa adaldyǵyn dáleldedi» dep atap ótti. Ókinishke qaraı, keı tártip saqshylary mindetin oryndaý jolynda ajal qushty. Bul polıtseılerdiń batyrlyǵy men patrıotızminiń belgisi.
Búgin, Aqtóbede qaza tapqandardy Jalpyulttyq aza tutý kúninde oblystyń ishki ister organdarynyń ǵımarattarynda memlekettik týlar túsirildi. ShQO polıtsııasynyń aýmaqtyq qurylymdarynda da ajal qushqandardy bir mınýttyq únsizdikpen eske aldy, dep habarlady oblystyq ІІD.
