ShQO polıtseıleri 50-den astam qarýdy joıdy
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri 50-den astam qarý men 2000-nan astam oq-dárini joıdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetinshe, tártip saqshylary atys qarýynyń taǵy bir partııasyn joıdy. Qarý-jaraqty joıý komıssııanyń qatysýymen júrgizilip, beınetirkeýge túsirildi.
«Ádette polıtsııa qarý-jaraqty qoldanýǵa jaramsyz jaǵdaıǵa keltirý úshin aldymen uńǵylardy kesedi. Sodan keıin qarý kúzetilip, plombalanǵan jáshikterde bolat peshi bar kásiporynǵa jetkizilip, balqytylady. 61 qylmystyq is boıynsha zattaı dálel retinde tanylǵan qarý-jaraq, oq-dáriler jáne jarylǵysh zattar joıyldy. Barlyǵy ártúrli markalar men modelderden 52 qarý, 2000 danadan astam oq-dári, 2 qol granatasy jáne «Ammonal» tıpti jarylǵysh zat joıyldy»,- dedi ShQO PD bastyǵy Saǵat Mádıev.
Qarý-jaraqty erikti túrde tapsyrý arqyly ǵana azamattar zańsyz saqtaǵany úshin jaýapkershilikten qutyla alady. Al mundaı aktsııa jyl saıyn ótkiziledi. 2020 jyly shyǵysqazaqstandyqtar polıtsııaǵa quny shamamen 10 mıllıon teńgege jýyq 170-ten astam qarý men 503 dana oq-dári tapsyrdy.
