ShQO polıtseıleri 3600-den astam quqyq buzýshylyqty anyqtady
ShQO Polıtsııa departamenti baspasóz qyzmetiniń málimetine súıensek, 15 qańtardan bastap júrgizilip jatqan «Quqyqtyq tártip» jedel aldyn alý sharasynyń maqsaty – óńir aýmaǵynda tártipti, jol qaýipsizdigin qamtamasyz etý, qylmystardyń der kezinde aldyn alyp, zańsyzdyqtyń jolyn kesý.
«Shara bastalǵaly beri polıtseıler zańsyz saqtalǵan 11 atys qarýyn tárkiledi. Jalpy sany 3 652 ákimshilik quqyq buzýshylyq anyqtaldy. Onyń ishinde usaq buzaqylyq jasaǵany úshin - 832, qoǵamdyq orynda ishimdik ishkeni nemese mas kúıde bolǵany úshin - 1 064, tirkeýsiz nemese jeke basyn kýálandyratyn qujatsyz turǵany úshin - 1 148 adam jaýapqa tartylǵan», - dep habarlady vedomstvo ókilderi.
Budan bólek, kóshi-qon qyzmeti baǵyty boıynsha 107 quqyq buzýshylyq tirkeldi. Atap aıtqanda, ÁQBtK-niń 517-babyna sáıkes (sheteldiktiń nemese azamattyǵy joq adamnyń QR zańnamasyn buzýy) 65 adamǵa aıyppul salyndy.