ShQO polıtseıleri 16 jyl ustatpaı kelgen qylmyskerdi qolǵa túsirdi
ÓSKEMEN. QazAqparat - Shyǵys Qazaqstan oblysynda 16 jyl buryn qylmys jasaǵan kúdikti Almatyda ustaldy, dep habarlaıdy QazAqparat tilshisi.
2003 jyly úsh adamnan quralǵan qylmystyq top alysqa qatynap júrgen azamattyń «KAMAZ» júk kóligin tartyp alǵan. Tonaýshylardyń ekeýi qolǵa túsip, bireýi iz jasyryp úlgergen edi. Polıtseıler 9 jyl boıy onyń kim ekenin anyqtaı almaǵan. Tek 2012 jyly ǵana kúdiktiniń aty-jóni anyqtalyp, izdeý jarııalanǵan bolatyn.
«Qylmyskerdi semeılik saqshylar Almatydan ustady. Qazir sondaǵy ýaqytsha qamaý ızolıatorynda. Endi 2003 jyly jasaǵan qylmysy úshin jaýapqa tartylady», - delingen oblystyq polıtsııa departamenti taratqan aqparatta.
