ShQO ózenderinde muz jarý jumystary bastaldy
ÓSKEMEN. KAZINFORM – Shyǵys Qazaqstan oblysynyń ózenderinde muz keptelisiniń aldyn alý úshin jarylys jumystary bastaldy.
ShQO Tótenshe jaǵdaılar departamenti baspasóz qyzmetiniń málimetine súıensek, Shemonaıha aýdanyndaǵy ózende muz jaryldy. Ondaǵy maqsat — muz keptelisiniń aldyn alý.
— Mamandar Verh-Ýba aýylynyń mańyndaǵy Úbe ózeninde jalpy aýdany 10 692 sharshy metr muzdy jardy. Jalpy oblys boıynsha jaqyn arada osyndaı jumystar júrgiziletin 19 ýchaske anyqtaldy, - delingen aqparatta.
Aqpan aıynda Glýbokoe aýdanynda muz jarylǵan. Ondaǵy Glýbochanka ózeniniń saǵasynda 3 myń sharshy metrden astam muz usaqtaldy. Endi Altaı, Úlken Naryn, Katonqaraǵaı aýdandaryndaǵy Buqtyrma ózeninde, Marqakól aýdanyndaǵy Kúrshim, Úbe jáne Qaljyr ózenderinde muz jarylmaq.
Eske salsaq, buǵan deıin Aqtóbe oblysynda 34 adam qar qursaýynda qalǵany habarlanǵan.