ShQO ózenderinde muzdy jarý jumystary júrgizilýde
ÓSKEMEN. QazAqparat – Shyǵys Qazaqstan oblysy Shemonaıha aýdanynda muz jarý jumystary júrgizilip jatyr, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, ózenderde muzdy usaqtaý sharalary bastaldy.
«Shemonaıha aýdanyndaǵy Úbe ózeninde kóktem kezinde muz keptelýinen jaǵalaý mańyndaǵy nysandardy sý basý qaýpi týyndaıdy. Buǵan jol bermeý maqsatynda 10 myń sharshy metrden astam aýmaqta jarý jumystary júrgizildi. Muz qalyńdyǵy 80 santımetrdi quraǵan», - dep habarlady vedomstvo ókilderi.
Jalpy Shyǵys Qazaqstan oblysynda kóktemgi sý tasqyny kezeńi ádette naýryzdyń ekinshi onkúndiginen bastalyp, maýsymnyń ekinshi onkúndiginiń ortasyna deıin sozylady.
Aldaǵy kúnderi jarylys jumystary Borodýlıha aýdany Krasnyı ıAr aýylynda, Shemonaıha aýdany Joǵary Úbe aýylynda jáne Semeı qalasynda josparlanǵan.
