ShQO ózenderinde muz bógelisteri, tasqyndar men sý basýlar bolý múmkin - 5 sáýirge arnalǵan aýa raıy boljamy
ASTANA. 5 sáýir. QazAqparat - Búgin Qazaqstan aýmaǵynyń kóptegen bóligi antıtsıklon yqpalynda bolady, respýblıkanyń tek ońtústigi men shyǵysynda atmosferalyq frontaldyq bólikterdiń ótýimen keıbir jerlerde kóbinese jańbyr jaýyp, jel kúsheıedi,
dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Mańǵystaý, Atyraý, Aqtóbe, túnde Qyzylorda, Batys Qazaqstan oblystarynda keıbir jerlerde tuman túsedi.
Aqmola jáne Soltústik Qazaqstan oblystarynda túnde keıbir jerlerde tuman túsip, jel 15-20 m/s deıin kúsheıýi yqtımal.
Jambyl oblysynda túnde keıbir jerlerde tuman túsip, kúndiz jel jyldamdyǵy 15-20 m/s deıin bolady.
Jaqyn táýlikterde Oral (BQO boıynsha), Esil, Tobyl, Ertis ózenderinde muz qursaýynyń odan ári kóbesiniń sógilýi men erýi kútiledi.
ShQO ózenderi men bulaqtarynda muz erip, seń júrýi, betkeılik aǵyndardyń, muz bógelisteriniń qurylýy, tasqyndar men sý basýlardyń oryn alý múmkindigi zor. Respýblıkanyń ońtústigi men ońtústik-shyǵysynyń ózenderinde sý deńgeıiniń aýytqýlary baıqalady. Batys Qazaqstan, Aqtóbe, Qostanaı, Soltústik Qazaqstan, Aqmola, Qaraǵandy oblystarynda tasqyndardyń kúsheıýi, sý deńgeıiniń kóterilýi kútiledi.
