ShQO: Ósimdik sharýashylyǵyn damytý - basty nazarda
ÓSKEMEN. QazAqparat – Shyǵys Qazaqstan oblysynda aýyl sharýashylyǵy kooperatıvterin qurý jumystary jalǵasýda, dep habarlaıdy QazAqparat tilshisi.
ShQO Aqparat ortalyǵynyń málimetine súıensek, óńirde agroónerkásip keshenin damytýǵa basa nazar aýdarylǵan.
«Shyǵys Qazaqstanda aýyl sharýashylyǵy kooperavtıvterin qurý jumystary qarqyndy júrgizilýde. Basty maqsat – jekelengen aýyl sharýashylyqtarynyń basyn qosyp, básekege qabiletti ónim shyǵarý. Іri agroqurylymdarǵa memleket tarapynan barlyq qoldaý kórsetiledi», - delingen habarlamada.
Búginde óńirde ósimdik sharýashylyǵyn damytýǵa erekshe den qoıylyp otyr. Ásirese, kúnbaǵys óńdeý men maıly dándi-daqyldardyń túr-túrin arttyrýǵa basa nazar aýdarylǵan.
Soǵan oraı, iri óńdeý kásiporyndary salynyp, aýyl sharýashylyǵy maqsatyndaǵy jerlerdi paıdalanýdyń jańa baǵdarlamasy ázirlenýde. Budan bólek, aýyl sharýashylyǵy ónimderiniń eksportyn arttyrý úshin qytaılyq seriktestermen belsendi jumys júrgizilýde.
Esterińizge sala ketsek, osyǵan deıin ShQO-da bıyl júgeriniń egis alqaby 3 myń gektarǵa artqany habarlanǵan bolatyn.
