ShQO ormanyndaǵy órt oshaǵyna tikushaqpen 39 tonna sý tógildi
ASTANA. KAZINFORM — 20 maýsym 2026 jyly Shyǵys Qazaqstan oblysyndaǵy Asý-Bulaq KMM aýmaǵynda orman órti tirkeldi, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
Órt Prımor ormanshylyǵynyń «Aıýda» ýchaskesinde anyqtaldy. Órtti sóndirýge orman kúzeti, «Qazavıaormanqorǵaý» RMQK jáne TJD kúshteri men quraldary jumyldyryldy.
Órtti sóndirý jumystaryna birneshe jasaq tartyldy. Atap aıtqanda:
- «Qazavıaormanqorǵaý» RMK-nyń Mı-8 tikushaǵy men avıatsııalyq órt sóndirý qyzmeti;
- Orman kúzetiniń 6 tehnıkasy jáne 25 qyzmetkeri;
- TJD-nyń 5 tehnıkasy men 20 qyzmetkeri tartyldy.
— Tikushaq arqyly órt oshaǵyna jalpy kólemi 39 tonna sý tógildi. Qazirgi ýaqytta órtti oqshaýlaý jáne tolyq sóndirý jumystary jalǵasyp jatyr. Jaǵdaı baqylaýda, — delingen habarlamada.
Komıtet órt qaýipti kezeńde ormanda jáne tabıǵat aıasynda órt qaýipsizdigi talaptaryn qatań saqtaýdy surady:
— Ot jaqpańyz;
— Temeki tuqylyn tastamańyz;
— Qoqys qaldyrmańyz;
—Tabıǵatqa uqypty qarańyz.
Budan buryn ShQO-da ormandy sharpyǵan órtti aýyzdyqtaýǵa 2 tikushaq tartylǵanyn jazǵanbyz.
