ShQO orman sharýashylyǵy ınspektsııasynyń ókilderi jemqorlyq kúdigine ilikti

NUR-SULTAN. QazAqparat - Shyǵys Qazaqstan oblystyq orman sharýashylyǵy jáne janýarlar dúnıesi ınspektsııasynyń Buqtyrma bóliminiń basshysy men birqatar qyzmetkerleri paraqorlyqqa kúdikti, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.  

Baspasóz qyzmetiniń málimetterine qaraǵanda, brakonerlikpen kúresti kúsheıtý aıasynda Shyǵys Qazaqstan oblysynyń sybaılas jemqorlyqqa qarsy kúres qyzmeti QR Ekologııa mınsıtrligi Orman sharýashylyǵy jáne janýarlar dúnıesi komıtetiniń Shyǵys Qazaqstan oblystyq orman sharýashylyǵy jáne janýarlar dúnıesi aýmaqtyq ınspektsııasynyń Buqtyrma bólimindegi júıeli sybaılas jemqorlyq faktileri tıyldy.

Jalpy qamqorlyq pen tyıym salynǵan ádistermen (sıntetıkalyq monojip), sondaı-aq ýyldyryq shashý kezinde Buqtyrma sý qoımasynyń rezervtik (tyıym salynǵan) ýchaskelerinde balyq resýrstaryn zańsyz aýlaýǵa tyıym salý sharalaryn qabyldamaǵany úshin brakonerlerden júıeli túrde 50 myńnan 200 myń teńgege deıingi kólemde para alǵany úshin kúdikti bolyp tanylǵan atalǵan bólimniń basshysy men birqatar qyzmetkerlerge qatysty sotqa deıngi tergeý bastaldy.

Sotqa deıingi tergeý jalǵasýda.

Kúdiktilerdiń kinásiniń deńgeıi týraly túpkilikti sheshimdi sot shyǵarady.