ShQO onkologtary bir kúnde 59 adamnyń syrqatyn anyqtady
ÓSKEMEN. QazAqparat – Shyǵys Qazaqstan oblysynyń onkologtary bir kúnde 59 adamnyń syrqatyn anyqtady, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetinshe, Kópsalaly onkologııa jáne hırýrgııa ortalyǵynda asqazan-ishek joldarynyń obyryn erte anyqtaýǵa baǵyttalǵan Ashyq esik kúni ótti. Bir kún ishinde aımaqtyń túkpir-túkpirinen 100-den astam adam kelgen.
«Jurtshylyq onkologtardyń, torakaldi jáne abdomınaldi hırýrgter men onkolog-gepatolog mamandarǵa tegin qaralyp, keńes aldy. Olar kóbinese as qorytý organdary qyzmetiniń buzylýyna shaǵymdanyp, tamaq ishý kezinde ózin jaısyz seziný, júrek aınyp, qannyń azdyǵy, tez sharshaý men belgisiz sebeptermen aryqtaýdyń mazalaıtyndyǵyn jetkizdi», - delingen aqparatta.
Nátıjesinde 11 adam ýltadybystyq, 29 adam endoskopııalyq zertteýden ótti. Olardyń ishinde 8 turǵynnan obyrǵa kúdiktiń bary jáne 59 patsıentten ózge de aýrýlar anyqtaldy.
