ShQO óndirýshileri Astanaǵa 200 tonnaǵa jýyq taýar alyp keledi
ASTANA. QazAqparat - 2015 jyldyń 3-4 qazan aralyǵynda aımaqaralyq kelisim aıasynda Astana qalasynda Shyǵys Qazaqstan oblysynyń kúnderi ótedi. Bul kúnderi elorda turǵyndary oblystyń shyǵarmashylyq ujymdary uıymdastyrǵan kórmeni, sondaı-aq kontserttik baǵdarlamalardy tamashalaıdy.
Uıymdastyrýshylardyń aıtýy boıynsha, osyǵan oraı shyǵys qazaqstandyqtar birneshe shyǵarmashylyq týyndylaryn ázirlep, oblystyń damý deńgeıin kórsetý úshin tyńǵylyqty daıyndalýda. Oblystyń úzdik fermerleri men kásiporyndary aýylsharýashylyq jármeńkesinde eń sapaly ónimderin usynady. Alańda jalpy sany 106 shatyr ornatylyp, satylymǵa 4,8 tonna jylqy eti, 2,5 tonna sút ónimi, 30 tonna bal, 5 tonna kúnbaǵys maıy, 5 tonna shujyq ónimi, 76 tonna kartop jáne kókenister, 40 tonna baqsha daqyldary, 3 tonna balyq, 3,7 tonna dándi daqyldar, 6,5 tonna ulttyq ónimder qoıylady. Osylaısha, jalpy quny 98 mln teńgege 176,5 tonna ónim túrin qoıý josparlanýda. Aıta ketsek, jármeńke qalashyǵy Turan dańǵyly men Qorǵaljyn tas jolynyń qılysynda ornalasqan «MEGA» saýda ortalyǵynyń alańyna ornalastyrylady.
