ShQO oqýshylary úshin 1,5 mıllıon oqýlyq jetkizildi

ÓSKEMEN. QazAqparat - ShQO-daǵy jańa oqý baǵdarlamasymen oqıtyn synyptar úshin 1,5 mıllıonǵa jýyq oqýlyqqa tapsyrys berilgen, dep habarlaıdy QazAqparat altaynews.kz-ke silteme jasap.

2018 jyldyń qyrkúıeginen bastap óńirdegi 3, 6, 8-synyptar jańa oqý baǵdarlamasyna kóshedi. 1 481 133 dana oqýlyq qattalyp daıyn tur.

Esterińizde bolsa, mınıstr Erlan Saǵadıev elimizdegi birqatar óńir jańa oqý jylynda oqýlyqsyz qalýy múmkin ekenin aıtqan bolatyn. Alaıda bul máseleniń shyǵys óńirine qatysy joq. ShQO bilim basqarmasy aýdandarǵa kitap jetkizý jumysy áldeqashan bastalyp ketkenin aıtyp otyr. 15 tamyzǵa deıin oblystyń barlyq mektebi qamtamasyz etiledi.

Aıta keteıik, basqarmadaǵylar jumys dápterleri bekitilgen oqýlyqtar tizimine kirmeıtinin aıtty. Olar tek kómekshi materıal bolǵandyqtan, satyp alý mindetti emes.