ShQO oqýshylary halyqaralyq olımpıadalardan 106 medal jeńip alǵan
ÓSKEMEN. QazAqparat – Shyǵys Qazaqstan oblysynyń oqýshylary ótken oqý jylynda halyqaralyq jáne respýblıkalyq olımdıalarǵa qatysyp, 106 medal ıelengen, dep habarlaıdy QazAqparat tilshisi.
Óńirdiń daryndy balalary álemdi bilimderimen moıyndatqany jóninde aımaq basshysy Danıal Ahmetovtiń qatysýymen ótken tamyz konferentsııasy barysynda sóz etildi.
Bilim basqarmasynyń basshysy Saırangúl Jumadilovanyń aıtýynsha, oqýshylar komandasy Shyǵys Qazaqstannyń atyn halyqaralyq jáne respýblıkalyq olımpıadalarda abyroımen qorǵap júr.
2019-2020 oqý jylynda ıntellektýaldyq saıystarǵa qatysýshylar 106 medal ıelengen. Onyń ishinde 36 altyn, 31 kúmis, 39 qola bar. Sonyń 35-i - halyqaralyq saıystardyń enshisindegi medal.
Eýropadaǵy halyqaralyq olımpıadaǵa qatysyp, fızıka páni boıynsha baǵyn synap, el namysyn qorǵaǵan Semeıdegi oblystyq mamandandyrylǵan bilim-ınnovatsııa lıtseıiniń 11 synyp oqýshysy Rasýl Maǵaýın altyn medaldi qanjyǵasyna baılady.
Sondaı-aq mektepter halyqaralyq jobalar men baıqaýlarǵa qatysýda.
BUU men QR Ekologııa, geologııa jáne tabıǵı resýrstar mınıstrliginiń muryndyq bolýymen uıymdastyrylǵan «Meniń Eko-Mektebim» atty respýblıkalyq baıqaýǵa qatysqan Semeıdegi №3 mektep-kesheni reıtıng boıynsha joǵary ball jınap, QR-daǵy Japonııa elshiliginiń 23 mln teńge kólemindegi halyqaralyq qaıtarymsyz grantyn utyp aldy.
Búgingi kúni №3 orta mektep óńirdegi qanatqaqty alańǵa aınalǵan.
