ShQO oqýshylary biregeı robottardy tanystyrdy
ÓSKEMEN. QazAqparat - Shyǵys Qazaqstannyń ár túkpirinen kelgen 99 qatysýshy Óskemen qalasyndaǵy Nazarbaev zııatkerlik mektebinde ótken World Robot Olympiad halyqaralyq olımpıadasynyń óńirlik irikteý kezeńinde baq synady, dep habarlaıdy QazAqparat tilshisi.
Baıqaý qatysýshylary jas erekshelikteri boıynsha - 12 jasqa deıingi, 13-15 jas aralyǵynda jáne 16-19 jas aralyǵynda úsh topqa bólindi.
Shyǵarmashylyq sanatta balalar túrli robottardy kórermen nazaryna usyndy. Máselen, Semeıdegi «Bilim - Innovatsııa» lıtseıiniń oqýshylary - Bekarys Maǵaýııanov pen Zeıin Qanabekov hermetia illucens black soldier fly atty shybyn ósiretin fermany kórsetti.
«Bul shybyndar janýarlardyń ımmýnıtetin kóterýge kómektesedi. Sondaı-aq, olardan bıodızel alýǵa bolady», - dep túsindirdi Zeıin Qanabekov.
Semeıdegi Nazarbaev zııatkerlik mektebiniń oqýshylary - Nazym Ǵadilbekova men Aıǵanym Saǵıdollınova qurylysta panelderdi joǵary kóteretin robotty qurastyrdy. Al Óskemen qalasyndaǵy NZM 9-synyp oqýshysy Mıras Esmuratuly sý qoımalaryndaǵy sý deńgeıin anyqtaıtyn kompıýterlik baǵdarlama oılap tapqan.
Іrikteý týry nátıjesinde barlyq qatysýshylar setıfıkattarmen marapattaldy. Jeńimpazdarǵa dıplomdar men kýboktar tabystaldy jáne olar 21-22 maýsym kúnderi Astanada ótetin respýblıkalyq chempıonatqa barady.
