ShQO-nyń jeti aýdany men eki qalasynda bir mezgilde 10 myńnan astam abonent elektr jaryǵysyz qaldy - TJM
ASTANA. Jeltoqsannyń 24-i. QazAqparat - Keshe, jeltoqsannyń 23-i kúni gıdrometeorologııalyq jaǵdaılarǵa baılanysty Shyǵys Qazaqstan oblysynyń jeti aýdany men eki qalasynda barlyǵy 10 myńnan astam abonent jaryqsyz qaldy,
dep habarlaıdy QazAqparat.
QR Tótenshe jaǵdaılar mınıstrliginen habarlaǵandaı, sársenbi kúni saǵat 07.00-de bir mezgilde Aıagóz (6159 tutynýshy), Kókpekti (1714), Jarma (401), Tarbaǵataı (795), Ulan (505), Zyrıan (166) jáne Zaısan (227) aýdandary men Rıdder (729) jáne Semeı (104) qalalarynda barlyǵy 10 800 abonent jaryqsyz qaldy.
Tótenshe jaǵdaıdy joıýǵa Shyǵys Qazaqstan aýmaqtyq energetıkalyq kompanııasynyń apattyq 21 brıgadasy men 23 tehnıkasy jumyldyryldy.
«Jeltoqsannyń 24-i, 07 saǵat 00 mınýttaǵy jaǵdaı boıynsha Aıagóz (60 abonent), Kókpekti (106), Ulan (130), Zaısan (227) aýdandary men Rıdder (729) jáne Semeı (104) qalalarynda barlyǵy 1356 tutynýshy áli de elektr jaryǵynsyz qalyp otyr», - dep atap ótti baspasóz qyzmetinen.
