ShQO-nyń úsh turǵyny Astanada páterler men kólikterdi tonap kelgen
ASTANA. QazAqparat - Jedel izdestirý is-sharalary barysynda krımınaldyq polıtsııa qyzmetkerleri páterlerden jáne avtokólikten qatarynan urlyq jasaǵan degen kúdikpen «izin sýytpaı» 24-25 jas aralyǵyndaǵy Shyǵys Qazaqstan oblysynyń úsh turǵynyn ustady.
Kúdiktiler Astanada jalǵa alynǵan páterlerde turǵan. Olardyń ekeýiniń osyǵan deıin sottalǵany anyqtaldy, dep habarlaıdy Astana qalalyq ІІD-niń baspasóz qyzmetinen. 2 jeltoqsanda elordanyń 42 jastaǵy turǵyny belgisiz bireýlerdiń úıine terezeni qysyp ashý ádisi arqyly kirip, jalpy somasy 1 600 000 tengeni quraıtyn jeke múlkin urlap áketkendigi týraly shaǵymdandy. 3 jeltoqsan kúni Esil aýdandyq ІІB P. esimdi azamatsha avtokóliginiń búıir áınegin syndyryp, 300 myń teńge bolatyn jeke múlkin urlap ketkeni jóninde habarlady. Qazirgi ýaqytta polıtseıler ustalǵan kúdiktilerdiń 3 urlyqty páterden jáne 7 urlyqty avtokólikten jasaǵandyǵyn anyqtady. Olar zattar men altyn buıymdardy lombardtarǵa tómen baǵamen tapsyryp otyrǵan. QR QK 188 baby («urlyq») boıynsha sotqa deıingi óndiris júrgizilýde. Quryqtalǵan kúdiktiler tergeý oqshaýlaǵyshyna qamaldy. Polıtsııa qyzmetkerleri ustalǵandardyń basqa da osyǵan uqsas qylmystarǵa qatysynyń bar-joǵyn anyqtaýda. 11 aı ishinde Astana qalasy ІІD krımınaldyq polıtsııasy páter urlyǵymen aınalysqan 20-dan astam qylmystyq topty quryqtady.
