ShQO-nyń úsh aýdanynda tasqyn qaýpi seıildi
ÓSKEMEN. QazAqparat -Tótenshe jaǵdaı qyzmetiniń ókilderi tórt birdeı aýdannyń ústinen tikushaqpen baqylap, qardyń erý qarqynyn tekserip qaıtty, dep habarlaıdy QazAqparat tilshisi.
Oblys ákiminiń orynbasary Shalqar Baıbek bastaǵan top Óskemen-Aıagóz-Aqtoǵaı-Úrjar-Zaısan-Aqjar aýdany aýmaqtaryn tikushaqpen baqylap, qardyń erý qarqynyn tekserdi. Jumys toby qardyń birqalypty erip jatqanyna kóz jetkizip qaıtqan. Al ózenderde muz jarý jumystary jyldaǵydan erte bastalǵandyqtan, keptelister kózge shalynbaǵan.
«Áýeden 4 aýdannyń ahýalyn barlap qaıttyq. Qazgıdromet málimeti boıynsha oblystaǵy qardyń qalyńdyǵy orta eseppen 23 santıtmetrden aspaıdy. Bul normaǵa saı kórsetkish. Kúrshim, Zaısan, Tarbaǵataı aýdandarynda qar erip bitti deýge bolady», - deıdi oblystyq tótenshe jaǵdaılar departamentiniń basshysy Nurlan Madııarov.
Osyǵan qaramastan, oblys boıynsha tótenshe jaǵdaı qyzmetiniń jeke quramy joǵary daıyndyq rejiminde jumys istep tur. Úsh aýdanda muz jarý jumystary aıaqtalsa, qar ketýi múmkin joldarda 60-tan astam jasandy kóshkin túsirilgen.
