ShQO-nyń Úrjar aýdanynda egistik kólemi ulǵaıtyldy
ÚRJAR. QazAqparat - Bıyl Shyǵys Qazaqstan oblysy Úrjar aýdanynda egistik kólemi ulǵaıtyldy, dep habarlaıdy QazAqparat tilshisi.
Aýdan boıynsha egis alqaby 188523 gektardy quraıdy dep josparlanýda. Búgingi kúni dıqandar tehnıkalaryn tolyǵymen jóndep, egistik jumystaryn bastap ketti.
«Kóktemgi dala jumystaryna, 109,2 myń gektar aýmaqqa egin egý jumystary aıaqtaldy. Onyń ishinde 60,2 myń gektar jerge súdiger, 43,9 myń gektarǵa kópjyldyq malazyqtyq daqyldar, 5,1 myń gektarǵa kúzdik bıdaı egildi. Bul ótken jylǵymen salystyrǵanda 0,4 myń gektarǵa artyq. Jalpy, ótken jylmen salystyrǵanda bıyl egistik kólemi ulǵaıtyldy»,-deıdi kásipkerlik jáne aýyl sharýashylyǵy bóliminiń basshysy Táýirjan Shomanov.
Bıyl sharýashylyqtarǵa topyraq qunarlylyǵyn arttyrý maqsatynda 5,1 myń tonna mıneraldy tyńaıtqysh ákelindi. Bul kórsetkish ótken jylmen salystyrǵanda 0,4 myń tonnaǵa kóp. Aramshópter men zııankesterge qarsy gerbıtsıtterdiń barlyq túrleri ótken jyldaǵydan 1,4 myń tonnaǵa artyq, ıaǵnı 18,7 myń tonna alý josparlanýda.
Aýdan boıynsha bıylǵy jyldyń kóktemgi egis jumystaryna 7,5 myń tonna dándi-daqyldar tuqymy daıyndalǵan. «QazAgrEks» aktsıonerlik qoǵamynyń Úrjar aýdandyq fılıalynyń zerthanasy mamandarynyń málimeti boıynsha, tekseristen barlyǵy 7,5 myń tonna dándi-daqyldar tuqymy ótti.
Oblystyq aýyl sharýashylyǵy basqarmasynan aǵymdaǵy jylǵy kóktemgi dala jumystaryn júrgizýge aýdannyń aýylsharýashylyq qurylymdaryna 3160 tonna dızel otyny bólinip otyr. Dızel otyny Úrjar óńiri boıynsha «ÁlemTransOıl» JShS men Maqanshy óńiri boıynsha «Tehne Oıl» jaýapkershiligi shekteýli seriktestiginde, Taskesken óńiri boıynsha «VostokMunaıGazStroı» JShS bosatýda.
Foto: agriacta.com
