ShQO-nyń ulttyq sport oıyndarynyń jeńimpazdary EKSPO-ǵa attanady
ÓSKEMEN. QazAqparat - Óskemende ulttyq sport oıyndarynan jarys ótti. Ulan aýdanynyń komandasy jeńimpaz atandy. Endi bul komanda Astanaǵa halyqaralyq mamandandyrylǵan EKSPO-2017 kórmesine attanady, dep habarlaıdy QazAqparat oblystyń aqparat ortalyǵyna silteme jasap.
Sporttyq jarystarǵa óńirdiń túrli aýdandarynan 5 komanda qatysty. Ekinshi jáne úshinshi oryndardy Kókpekti jáne Tarbaǵataı aýdandary jeńip aldy.
Qazaq dalasynda ejelden kele jatqan jáne búgingi kúnge jetken ulttyq sport oıyndary Qazaqstan mádenıetiniń ajyramas bóligi ispettes.
Elimizde ulttyq sport oıyndaryn nasıhattaý isine respýblıkalyq jáne halyqaralyq deńgeıde 100-den astam jarystar uıymdastyrylady. Al Astanada halyqaralyq ınnovatsııalyq «EXPO-2017» kórmesiniń ótýine baılanysty árbir óńir óz aımaǵynyń mádenıet kúnderin uıymdastyrady.
Endeshe Óskemen qalasy men Ulan aýdanynyń sportshylary Shyǵys Qazaqstan oblysy mádenıetiniń kúnderinde, 22-23 shilde aralyǵynda Astanada ózderiniń óńirlerin kórsetetin bolady.
Jaqyn arada 60 adamdy quraıtyn shyǵysqazaqstandyq delegatsııa elordaǵa attanady. Olardyń arasynda árıne ulttyq sport oıyndarynyń jeńimpazdary da bolady. Olar aýdaryspaq, kókpar, teńge alý, qyz qýý, jamby atý sııaqty ulttyq sport oıyndarynan óner kórsetetin bolady.
