ShQO-nyń Ulan aýdanynda jel elektr stansasy salynady
ÓSKEMEN. QazAqparat - Shyǵys Qazaqstan oblysynyń Ulan aýdanynda jel elektr stanasasyn salady, dep habarlady QazAqparat ShQO aqparattyq ortalyǵyna silteme jasaı otyryp.
Bul týraly óńirlik kommýnıkatsııalyq qyzmetti Energetıka jáne turǵyn úı-kommýnaldyq sharýashylyǵy basqarmasy basshysynyń mindetin atqarýshy A. Arslambaev málim etti.
Ulan aýdany Taıynty aýylyndaǵy jańa jel elektr stansasynyń qýaty 24 MVt. Bul kúlli aýdan boıynsha elektr qýatyna suranysty qanaǵattandyra alady.
«Jel elektr stansasynyń qurylysy ShQO-nyń iri jobalaryna kiredi. Qazir jobanyń bastapqy daıyndyq jumystary aıaqtaldy. Jel tarmaqtaryn zertteý men geologııalyq barlaý jumystary júrgizildi. Bul jel elektr stanasasy iske qosylǵanda aýdan turǵyndary senimdi elektr energııasymen qamtamasyz etiletin bolady. Qalǵan elektr energııasy respýblıkanyń jalpy biryńǵaı jelisine kiredi», - dedi Almat Arslambaev.
Bul jobamen qatar Zyrıanov aýdanynda qýaty 24, 9 MVt Turǵusyn GES-i salynýda.
Sondaı-aq, ShQO-da 2016 jyly jasyl energııany óńdeý úlesi saǵatyna 55 mln kVt-ny qurady.
