ShQO-nyń turaqtandyrý qoryna 7 myń tonnadan astam kókónis jetkizilmek
ShQO Aýyl sharýashylyǵy basqarmasynyń málimetine súıensek, óńirdegi turaqtandyrý qoryna 2022-2023 jyldar aralyǵynda 7 myń tonnadan astam kókónis jetkiziledi. Onyń ishinde 4863 tonna kartop, 1200 tonna qyryqqabat, 800 tonna sábiz, 500 tonna pııaz. Kókónistiń jalpy kólemi ótken jylǵy deńgeıden 1,1 esege artyp otyr.
«Búginde turaqtandyrý qorynyń pavılondarynda qanttyń kelisi 469 teńgeden satylýda. Tazartylǵan kúnbaǵys maıy – 630 teńge, qaraqumyq – 420 teńge, jumyrtqanyń bir danasy – 29 teńgeden saýdalanyp jatyr. Qyryqqabattyń bir kelisi - 120 teńge, kartop - 190, sábiz - 240 teńge, pııaz - 285 teńge», - delingen aqparatta.
Abaı oblysynda turaqtandyrý qory áli iske qosylmaǵandyqtan «Ertis» ÁKK» AQ Semeı qalasyndaǵy pavılondarǵa áleýmettik mańyzy bar ónimderdi jetkizýdi jalǵastyrýda.
