ShQO-nyń taýly aımaǵyndaǵy tórt tasjolda kólik qozǵalysy shekteldi
ÓSKEMEN. QazAqparat - Óńirdegi avtomobıl baǵytyndaǵy tórt ýchaskede qys mezgilinde tirkemesi bar jáne jartylaı tirkemesi bar kólik quraldarynyń qozǵalysyna shekteý qoıyldy, dep habarlaıdy «QazAqparat» HAA tilshisi.
Shekteý Óskemen-Zyrıanovsk - Rahman bulaǵy avtojolynyń Osınovsk asýynda, 44-ten 66 shaqyrymǵa deıingi (Severnoe aýylynan Serebrıansk aýylyna deıin) aralyqta qoıyldy, dep habaraldy oblystyq ІІD.
Óskemen-Tarǵyn-Samarskoe tasjolynyń 62-145 shaqyrym aralyǵynda Umysh asýynda, Óskemen-Taýly Ýlbınka-Severnoe tasjolynyń 18-60 shaqyrymynda (Tasty Karer aýylynan Severnoe aýylyna deıin) jáne Terekti - Ýrýnhaıka - Tosqaıyń avtojolynyń 7-57 shaqyrymynda, Mramornyı asýynda kólikterdiń qozǵalysyna shekteý engizildi.
Atalǵan barlyq jol keskinderinde «Tirkemeleri bar kólik quraldarynyń qozǵalysyna tyıym salynady» belgisi qoıyldy.
