ShQO-nyń taǵy eki aýdanynda tótenshe jaǵdaı jarııalanýy múmkin
ÓSKEMEN. QazAqparat - Shyǵys Qazaqstannyń Shemonaıha jáne Katonqaraǵaı aýdandarynda da jergilikti mańyzdaǵy tótenshe jaǵdaı jarııalanýy múmkin, dep habarlaıdy QazAqparat tilshisi.
Oblystyq tótenshe jaǵdaılar departamentiniń habarlaýynsha, eki aýdanda da «joǵary daıyndyq» rejimi jarııalanǵan. ıAǵnı, barlyq azamattyq qorǵanys qurylymdary tasqyn qaýpi seıilgenshe kúsheıtilgen rejimde jumys isteıtin bolady.
Katonqaraǵaı aýdanynda 10 úı men 35 aýlaǵa sý jaıylǵan.
«Aýdan ortalyǵy Úlken Naryn aýylyna jergilikti halyq Sýrka dep atap ketken shaǵyn ózennen qaýip tóngen bolatyn. Qazir ózen arnasyna qaıtty. Aýyldyń ishinde 11-den astam tehnıka jumys istep júr. Jaýyn basylǵanymen kún bulttap tur. Ázirge jaǵdaı turaqty» - deıdi Úlken naryn aýyldyq okrýginiń ákimi Abaıhan Ahmetov.
Sý basqan úılerden 44 adam qaýipsiz jerge kóshirilip, týysqandary men jataqhanaǵa ornalastyryldy. Apat ornynda jergilikti atqarýshy organdardyń 58 qyzmetkeri men №36 órt sóndirý bóliminiń 18 sarbazy jumys isteýde. Olar úılerge aqqan sýdyń jolyn qumqappen bógeýde. Sý basqan ýchaskelerdiń jaǵdaıyn baqylaıtyn jumys toby da quryldy.
«Shemonaıha aýdanynyń Verh-Ýba aýylynda da qarǵyn sýmen kúres júrip jatyr. Munda 68 úıdiń aýlasyna sý kirip, 1 eresek adam men 3 bala aýyl mektebine ornalastyryldy. Jergilikti atqarýshy organ ókilderi men órt sóndirýshiler aýlalarǵa jaıylǵan sýdy sorǵytýda» - delingen tótenshe jaǵdaılar departamenti taratqan aqparatta.
Eske sala keteıik, oblystaǵy Glýbokoe aýdanynda tabıǵı sıpattaǵy tótenshe jaǵdaı jarııalanǵan bolatyn.
