ShQO-nyń sot oryndaýshylary qaryzdardy tóletý boıynsha reıd bastap jatyr
ÓSKEMEN. 27 aqpan. QazAqparat - Shyǵys Qazaqstannyń sot aktilerin oryndaý boıynsha departamentiniń mamandary erteńnen bastap Óskemen qalasynda jekemenshik jáne zańdy tulǵalardyń memleketke qaryzdaryn tóletý reıdin bastaıdy.
Bul shara Qazaqstanda alǵash ret ótkizilip otyr, oǵan oblystyń barlyq aýdandary men qalalarynyń sot oryndaýshylary jumyldyrylady, dep habarlady aımaqtyq vedomstvo.
Olardyń ishinde 42 sot oryndaýshysy Óskemen qalasyna issaparǵa jiberledi. Reıdke salyq departamentiniń, jol polıtsııasynyń jáne kommýnaldyq kásiporyndardyń ókilderi qatysady dep josparlanyp otyr.
Shyǵys Qazaqstan oblysynyń sot aktilerin oryndaý boıynsha departamenti mundaı jumystardy byltyrdan bastap tájirıbeden ótkizip otyr. Mysaly, byltyrǵy sharanyń barysynda 2722 atqarý paraqtary oryndaldy, sonyń arqasynda boryshkerler 58 mln. teńge tóledi
Bıyl kommýnaldyq kásiporyndardan bólek salyq departamenti, ishki ister jáne jol polıtsııasynyń qaýlylary oryndalatyn bolady.
