ShQO-nyń Sholpan aýylyndaǵy oqýshy neden qaza boldy
ASTANA. QazAqparat - QR Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy, bas sanıtarlyq dáriger Jandarbek Bekshın Úrjar aýdany Sholpan aýylynda qaza bolǵan balanyń vırýstyq dertten kóz jumǵanyn rastady, dep habarlaıdy «QazAqparat» HAA tilshisi.
Saraptama qorytyndysy boıynsha onyń «A» gepatıtine shaldyqqandyǵy joqqa shyǵaryldy. Aldyn ala málimetterge qaraǵanda, bala «E» tıpti gepatıtinen kóz jumǵan.
J. Bekshınniń sózine qaraǵanda, ómiri qıylǵan qyz qarasha aıynan beri qadaǵalaýda bolǵan jáne medıtsınalyq baqylaý kezinde eki ret nazardan tys qalǵan kórinedi. Ony Úrjar aýdandyq aýrýhanasyna aparý barysynda eshqandaı transfýzııa jasalmaǵan, sebebi bala jeńil kólikpen jetkizilgen.
«Balanyń ne sebepti kóz jumǵanyn Almaty balalar ınfektsııalyq aýrýhanasy kafedrasynyń dotsenti zerttedi. Bul rette qujattardyń kóshirmesi de egjeı-tegjeıli qaraldy. Patologoanatom men dotsenttiń qorytyndysyna sáıkes, bala jiti gepatıtten kóz jumdy. Bul jaǵdaı «A» vırýstyq gepatıtine tán emes. Ol vırýstyq etıologııa, alaıda «A» gepatıti emes. Búginde resmı túrde vırýstyq gepatıttiń 7 tıpi bar, biraq osy gepatıtterdiń qaısysy ekenin maman naqtylaıdy. Sonymen qatar qosymsha zertteýler Astanada júrgiziledi», - QR DSM Qoǵamdyq densaýlyq saqtaý komıteti epıdemıologııalyq qadaǵalaý basqarmasynyń basshysy Roza Qojapova.
