ShQO-nyń Shilikti aýylynda aspan astyndaǵy murajaı salynady
Qazir Shilikti aýylyna alyp baratyn jol salynýda. Tasbastaý aýylynan bastap Zaısanǵa qaraı salynyp jatqan taý ishindegi joldyń uzyndyǵy 60 shaqyrymdy quraıdy.
Aýdan ákimi Serik Zınabekulynyń aıtýynsha, jol qurylysyna oblys qazynasynan 1 mıllıard 800 mıllıon teńge bólingen. Joldyń 20 shaqyrymy aǵymdaǵy jyldyń sońyna deıin aıaqtalsa, 40 shaqyrym jol kelesi jyly tapsyrylady.
Sonymen qatar, bıyl Shilikti aýylyna gaz tartý jumystary bastalady. Al eń basty jańalyq - arheologtar men aýyl úlkenderi talaı jyldan beri kútken Shilikti qorymdarynyń ashyq aspan astyndaǵy murajaıy aqyry salynatyn boldy. Aýdan basshylyǵynyń málimetinshe, oblys ákimi Danıal Ahmetovtiń qatysýymen aldaǵy ýaqytta bolatyn baspasóz kezdesýinde bul týraly keńinen talqylanyp, tapsyrmalar beriletin bolady.
Shilikti men Jalshı aýyldarynyń arasyna salynatyn murajaı-qoryqtyń qurylysyna oblys qazynasynan 400-450 mıllıon teńge jumsalmaq.
