ShQO-nyń Shemonaıha aýdanynda 100-den asa adam evakýatsııalandy
ÓSKEMEN. QazAqparat - Shyǵys Qazaqstan oblysy Shemonaıha aýdanynda qutqarýshylar men órt sóndirýshiler jasaǵy jergilikti turǵyndardy evakýatsııalap jatyr, dep habarlaıdy «QazAqparat» HAA ShQO TJD-ǵa silteme jasap.
Eske sala ketsek, Shemonaıha aýdanynda jergilikti aýqymda tabıǵı sıpattaǵy tótenshe jaǵdaı jarııalanǵan edi.
«Qazirgi tańda 107 adam, sonyń ishinde 12 bala sý alǵan úılerinen evakýatsııalandy. Adamdardyń jartysy mektepterge, qalǵany týystaryna ornalastyryldy. Qutqarý jumystarymen 11 tehnıka, jeke quramnyń 50 adamy aınalysýda», - delingen habarlamada.
TJD aqparaty boıynsha, oblys ortalyǵynan MI-2 tikushaǵy, sondaı-aq «Vostokvzyvprom» qyzmetkerleri Úbe ózeninde jarylys jumystaryn júrgizý úshin barǵan.
«Úbe ózenine jaqyn ornalasqan 40 úı men 12 aýlany sý basqan. Osyndaı jaǵdaı Solovevo aýylynda, Zyrıanov aýdanynda baıqalýda. Qutqarýshylar ol jaqta da jergilikti turǵyndary evakýatsııalap jatyr», - dep atap ótti vedomstvodan. 
