ShQO-nyń shekaralas aýdandaryna belgili bir mártebe berý qarastyrylmaǵan – UEM

ASTANA. QazAqparat – Shyǵys Qazaqstan oblysynyń shekaralas aýdandaryna belgili bir mártebe berý máselesi qarastyrylmaǵan. Ulttyq ekonomıka vıtse-mınıstri Abzal Ábdikárimov redaktsııa saýalyna osyndaı jaýap berdi, dep habarlaıdy QazAqparat tilshisi.

«Aıryqsha mártebe berýge qatysty aıtsaq, búgingi tańda Shyǵys Qazaqstan oblysynyń shekaralas aýdandaryna belgili bir mártebe berý máselesi qarastyrylmaǵan. Sonymen qatar Aýyldyq aýmaqtardy damytýdyń 2023-2027 jyldarǵa arnalǵan tujyrymdamasy shekaralas, shaǵyn aýyldyq eldi mekenderdiń qoldanystaǵy ınfraqurylymy men bazalyq qyzmetterin qoldaýdy qamtamasyz etýge baǵyttalǵan is-sharalar kózdelgen. Eńbek tapshylyǵy bar óńirlerdiń shekaralas aýyldyq okrýgteri turǵyndarynyń jalaqysyna ústemeaqy engizý múmkindigi qaralady», - dep jazylǵan jaýapta.

Mınıstrliktiń málimeti boınysha, keıingi 5 jylda Katonqaraǵaı aýdanynyń halqy – 5%, Marqakól aýdanynyń halqy 21% azaıyp ketken.

«Bul rette atalǵan aýdandar qalpyna keltirilgennen keıin Katonqaraǵaı aýyly men Marqakól aýyly aýdan ortalyǵy mártebesine ıe bolady», - deıdi Abzal Ábdikárimov.